Það er kannski ekki hægt að segja að einkanúmerið „Che“ sé ósmekklegt en vissulega hefur frægðarljómi argentínska andspyrnumannsins varpað skugga á umdeildar, í besta falli, gjörðir hans. Það er þó ljóst að slíkt númer færi best á stálheiðarlegri kerru af Moskvitch-gerð.
Á okkar ástkæra fróni, landi þverstæðnanna, er sú ekki raunin og fjölmiðlamaðurinn Hjörtur Júlíus Hjartarson vakti athygli á því á Twitter-síðu sinni með meðfylgjandi mynd. „Ekkert lýsir sósíalískum byltingarsinna eins mikið og 20 milljóna króna Porsche-jeppi,“ sagði Hjörtur.
Ekkert lýsir sósíalískum byltingarsinna eins mikið og 20 milljón króna Porche jeppi. pic.twitter.com/dxebS3H3Ib
— Hjörtur Hjartar (@hjorturh) June 22, 2017