Myndbandið hefur vakið mikla athygli undanfarna daga
Hópur vina frá Texas í Bandaríkjunum hefur vakið mikla athygli fyrir myndbönd sem birt eru á myndbandavefnum YouTube. Þar má sjá meðlimi hópsins framkvæma ýmis tilþrif og brellur sem líklega fáir gætu endurtekið.
Myndbandið sem um ræðir er fimm mínútur að lengd og hafa nú þegar rúmlega fjórtán milljónir manna horft á það. Hópurinn, sem kallar sig Dude Perfect, samanstendur af þeim Coby og Cory Cotton, Garrett Hilbert, Cody Jones og Tyler Toney sem allir eru vinir úr menntaskóla og með bakgrunn í körfubolta.
Myndbandið má sjá hér að neðan en óhætt er að segja að sjón sé sögu ríkari: