Írsk verslun girðir víndeildina af með klósettrúllum

Ansi snjallt úrræði til að halda ólmum viðskiptavinum frá veigunum

Þarfaþing inni á salerninu - en einnig til margra annarra hluta nytsamur! Úrræði írsku verslunarinnar SuperValu bera þess sannarlega vitni hvað gera má með klósettpappírsrúllum.
Klósettpappír Þarfaþing inni á salerninu - en einnig til margra annarra hluta nytsamur! Úrræði írsku verslunarinnar SuperValu bera þess sannarlega vitni hvað gera má með klósettpappírsrúllum.

Á Írlandi er öllum búðum og börum óheimilt samkvæmt lögum að selja áfengi á föstudaginn langa.

Venjulega þurfa búðir ekki að gera neinar sérstakar ráðstafanir vegna þessa, þær einfaldlega selja engar veigar þennan dag.

En stjórnendur stórmarkaðarins SuperValu kenndi greinilega í brjósti um bjórþyrsta viðskiptavini sína og greip til þess ráðs að girða af alla áfengisdeild verslunarinnar – með klósettpappír! Vefurinn Irish Mirror greinir frá.

Já, klósettpappír! Í versluninni gat að líta heilu virkisveggina samsetta úr uppstöfluðum pökkum af klósettpappírsrúllum. Úrræðið hefur vakið þónokkra athygli meðal almennings, sem deilir ákaft myndum af virkinu á Twitter.

Veggurinn vakti mikla lukku viðstaddra.
Virkisveggur Veggurinn vakti mikla lukku viðstaddra.

Íra sem langaði að fá sér í glas fengu ekki annað séð enn heilu staflana af klósettpappír á föstudaginn langa!
Ekkert sést Íra sem langaði að fá sér í glas fengu ekki annað séð enn heilu staflana af klósettpappír á föstudaginn langa!

Víst er að veggurinn er nógu hár til að áfengissnauðir Írar þurfi ekki að horfa upp á freistingarnar. En sennilega var ekki talið nóg að byrgja viðskiptavinum sýn, ætla mætti að verslunin hafi pælt í fleiru við valið á byggingarefni.

Viðskiptavinir geta auðvitað hæglega gripið sér rúllu og þerrað tárin – séu þeir sárir yfir áfengissveltinu!

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.