Slógu ekki beint í gegn en unnu samt hin eftirsóttu verðlaun
Óskarsverðlaunin voru afhent við hátíðlega athöfn fyrir skemmstu. Þó að hátíðin eigi að verðlauna framúrskarandi kvikmyndagerð hefur það margoft gerst að myndir, sem ekki beint hafa slegið í gegn hjá gagnrýnendum, hafa unnið til verðlauna. Business Insider tók saman nokkur dæmi um slíkar myndir.
Verðlaunuð fyrir: Bestu förðun
Einkunn á IMDB: 5,9
Einkunn á Metacritic: 41/100
Myndin segir frá fjölskyldu sem verður fyrir því óláni að aka á sjálfan Bigfoot. Þeim verður þó vel til vina eftir þetta og verður Bigfoot eins konar gæludýr fjölskyldunnar. Hér er um ágætis fjölskyldumynd að ræða en lítið meira en það. Í umfjöllun Business Insider segir að þótt myndin hafi fengið verðlaun fyrir bestu förðun hafi hún í raun ekki verið upp á marga fiska.
Verðlaunuð fyrir: Bestu förðun
Einkunn á IMDB: 6,0
Einkunn á Metacritic: 46/100
Þessi mynd naut talsverðrar velgengni á sínum tíma enda var Jim Carrey á hátindi ferils síns á þeim tíma. Myndin hlaut þó ekki sérstaka dóma og er að margra mati í hópi verstu mynda sem hlotið hafa Óskarsverðlaun.
Verðlaunuð fyrir: Bestu hljóðvinnsluna
Einkunn á IMDB: 6,1
Einkunn á Metacritic: 44/100
Þessi sögulega stórmynd sem var heilir þrír tímar að lengd segir frá atburðunum á Pearl Harbor árið 1941. Ben Affleck, Josh Hartnett og Kate Beckinsale fóru með aðalhlutverk myndarinnar sem þótti í raun alveg afleit. Þrátt fyrir það var myndin tilnefnd til fjögurra verðlauna en hlaut sem fyrr segir verðlaun fyrir bestu hljóðvinnsluna.
Verðlaunuð fyrir: Bestu myndina, besta handritið, bestu klippingu
Einkunn á IMDB: 7,8
Einkunn á Metacritic: 69/100
Þessi mynd í leikstjórn Paul Haggis er alls ekki svo slæm, en að flestra mati var hún alls ekki það góð að hún ætti skilið að vinna til Óskarsverðlauna sem besta myndin. Raunin varð hins vegar sú og vann hún til þrennra Óskarsverðlauna í það heila auk þess að hljóta þrjár tilnefningar til viðbótar.
Verðlaunuð fyrir: Bestu leikkonu í aðalhlutverki
Einkunn á IMDB: 7,7
Einkunn á Metacritic: 53/100
The Blind Side segir frá Michael Oher, ungum dreng sem þvert á væntingar gerðist atvinummaður í NFL-deildinni með aðstoð góðhjartaðrar konu. Þessi kona var leikin af Söndru Bullock sem hlaut Óskarinn sem besta leikkona í aðalhlutverki. Þess má geta að myndin var einnig tilnefnd sem besta myndin á hátíðinni árið 2010 en The Hurt Locker hreppti þau verðlaun.
Verðlaunuð fyrir: Bestu förðunina
Einkunn á IMDB: 5,8
Einkunn á Metacritic: 43/100
Óskarsverðlaunaakademían virðist stundum þurfa að grafa djúpt þegar tilnefnt er til verðlauna í flokknum besta förðunin. The Wolfman, með Benicio Del Toro í hlutverki varúlfs, hlaut verðlaunin á hátíðinni 2011 en myndin þótti í raun arfaslök og var varúlfurinn í raun ekkert ógnvekjandi, að sögn gagnrýnenda.
Verðlaunuð fyrir: Bestu leikkonu í aukahlutverki, bestu hljóðvinnslu, bestu förðun og hágreiðslu
Einkunn á IMDB: 7,6
Einkunn á Metacritic: 63/100
Dans- og söngvamyndir hafa lengi átt upp á pallborðið hjá akademíunni og sitt sýnist hverjum um það. Les Miserables hlaut þrenn Óskarsverðlaun á sínum tíma og var tilnefnd til fimm verðlauna til viðbótar. Alls fékk hún átta tilnefningar sem þótti býsna mikið miðað við að myndin þótti alls ekkert framúrskarandi.
Verðlaunuð fyrir: Bestu búningahönnun, bestu listrænu stjórnun
Einkunn á IMDB: 7,3
Einkunn á Metacritic: 55/100
The Great Gatsby er mynd sem í raun hafði allt; Leonardo di Caprio, Jay Z, glamúr, djass og morð. Myndin hlaut samt heldur slaka dóma hjá gagnrýnendum og þá virtist almenningur ekki vera allt of hrifinn, að minnsta kosti ef marka má einkunnina á IMDB sem fengin er frá 380 þúsund notendum síðunnar.
