Sofandi sauður

Pólverjinn Lukasz Chojnowski ákvað árið 2014 að brjótast inn í mannlaust hús í Lancashire á Englandi. Það væri í sjálfu sér ekki í frásögur færandi, nema fyrir þá sök að þegar íbúarnir, Martin Holtby og Pat Dyson, komu heim úr fríi fundu þau Lukasz steinsofandi í hjónarúmi þeirra.
Lukasz, sem annars bjó í Leeds, hafði gert gott betur því hann hafði þrifið á heimilinu, þvegið af sér þvott og keypt inn.
Hafði Pat Dyson á orði að heimilið væri mun þrifalegra en þau höfðu skilið við það. „Hann hafði reyndar eyðilagt gamlan sósupott, en það getur gerst á bestu bæjum,“ sagði Pat.
Ekki er vitað hvort Lukasz þekkti söguna um Gullbrá og birnina þrjá en hann fékk skilorðsbundinn dóm og fjársekt fyrir sitt ævintýri.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.