Dagur tók mynd af debetkortinu sínu – Stuttu síðar var hringt í hann frá Valitor

Einhver í Indónesíu var að nota kortið hans

Dagur de'Medici Ólafsson.
Dagur de'Medici Ólafsson.

Klukkan 11:16 í morgun tók kvikmyndagerðamaðurinn Dagur de‘Medici Ólafsson mynd af debetkortinu sínu á símann sinn. Stafirnir á kortinu voru við það að hverfa og vildi hann vera viss um að geta verslað með kortinu í gegnum internetið.

„Myndin fór bara í "Camera Roll" í símanum mínum og sennilega uploadaði síminn myndinni á "iCloud"-ið mitt líka,“ segir Dagur í Facebook færslu.

Klukkan 11:46 eða nákvæmlega þrjátíu mínútum síðar hringir neyðarsími Valitor í Dag og greinir honum frá því að einhver sé að nota kortið hans í Indónesíu.

Dagur veltir því fyrir sér hvort um tilviljum sé að ræða eða hvort það sé mögulega einhver leið fyrir glæpamenn í Indónesíu að komast yfir myndir í símum hjá fólki, jafnvel með einhverskonar forriti sem greinir kredit- og/eða debetkort.
Dagur lokaði að sjálfsögðu fyrir kortið sitt samstundis.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.