Fitness-stjarna vakti mikla reiði vegna þessarar ákvörðunar

Úkraínska fitness-stjarnan Elena Ivanickaya vakti reiði margra á dögunum þegar hún birti mynd á Instagram-síðu sinni.

Elena þessi þykir nokkuð vinsæl í heimalandi sínu og eru fylgjendur hennar á Instagram tæplega tólf þúsund talsins.

Myndin sem um ræðir var af ketti fyrirsætunnar sem búið var að húðflúra. Kötturinn sem um ræðir er af tegundinni Sphynx en þeir eru hárlausir að stærstum hluta.
Birti hún myndir af kettinum þar sem búið var að svæfa hann á meðan húðflúrari athafnaði sig. Síðan mátti sjá myndir af kettinum með húðflúrið.

Dýraverndunarsinnar voru ekki lengi að ausa úr skálum reiði sinnar yfir Elenu og sögðu hana sýna dýrinu lítilsvirðingu. Þá væri þetta ekkert annað en ofbeldi gagnvart saklausri skepnu.

Elena varði þessa ákvörðun sína með kjafti og klóm og sagði köttinn raunar lifa betra lífi en flestir þeirra sem gagnrýndu hana. Þá sagði hún að kettinum hefði ekki orðið meint af.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.