Jeremy Meeks varð heimsfrægur eftir að lögreglan birti mynd af honum á Facebook – Lifir nú hátt og þénar vel sem fyrirsæta
Manstu eftir Jeremy Meeks? Manninum sem fékk viðurnefnið „fallegasti glæpamaður í heimi“ eftir að lögreglan í Kaliforníu birti lögreglumynd af honum á Facebook eftir að hann var handtekinn árið 2014. Myndin fór sem eldur í sinu um netheima og hinn fjallmyndarlegi Meeks vakti mikla athygli og fékk að launum samning sem fyrirsæta.
Meeks hefur snúið lífi sínu við eftir að hafa fengið dóm fyrir ólöglegan vopnaburð. Hann er ekki aðeins frelsaður heldur líka frelsinu feginn og farinn að vinna fyrir sér sem fyrirsæta eftir að hann losnaði úr fangelsi. Undanfarið hefur hann verið að deila myndum með ríflega 600 þúsund fylgjendum sínum á Instagram þar sem glögglega má sjá hversu mikið líf hans hefur breyst.
Hann birtist meðfylgjandi mynd af nýju glæsilegu heimili sínu með orðunum: „Guð er góður“ og annarri þar sem hann stendur við Macerati-lúxusbifreið og skrifar: „Gott að vera kominn heim.“
Breska dagblaðið Mirror greinir frá því að Meeks þéni nú milljónir á fyrirsætustörfum sínum og fjölskylda hans nýtur nú góðs af breyttum lífstíl hans.
