Valerie Janice Lane og Doris Karen Derryberry voru myrtar í nóvember 1973
Lögreglan í Marysville í Kaliforníu hefur handtekið tvo karlmenn í tengslum við morð skammt frá bænum árið 1973. Valerie Janice Lane, 12 ára, og Doris Karen Derryberry, 13 ára, fundust látnar þann 13. nóvember það ár en báðar höfðu þær verið skotnar í höfuðið.
Stúlkurnar voru bekkjarfélagar og höfðu þær farið í verslunarmiðstöð saman þennan örlagaríka dag. Hvorug stúlknanna sneri heim og daginn eftir fundust lík þeirra.
Í ljós kom að önnur stúlknanna, Doris, hafði verið nauðgað og fannst sæði á líki hennar. Rannsókn á málinu sigldi í strand á sínum og var það ekki fyrr en árið 2014 að lögregla lét framkvæma DNA-rannsókn á sæðinu sem fannst á líki Doris.
Rannsóknin leiddi í ljós að tveir menn hefðu verið að verki, frændurnir Larry Patterson og William Harbour. Larry hafði verið dæmdur fyrir nauðgun árið 1976 og var DNA-sýni úr honum í gagnabanka lögreglu. DNA-sýni úr William var einnig til í gagnabanka lögreglu og voru mennirnir handteknir í vikunni.
Báðir voru þeir 22 ára þegar stúlkurnar voru myrtar en eru í dag 65 ára. Mennirnir eiga yfir höfði sér lífstíðarfangelsi verði þeir fundnir sekir.