Cristiano Ronaldo, fyrirliði Portúgals, var harðlega gagnrýndur vegna ummæla sinna um íslenska liðið eftir 1-1 jafnteflið í gærkvöldi. Ronaldo virkaði kokhraustur fyrir leik og mátti greina glott á andliti hans áður en Cuneyt Cakir flautaði leikinn á.

Mótspyrnan sem íslenska liðið veitti því portúgalska virtist fara í skapið á Ronaldo eftir leik og sagði hann að íslenska liðið hefði fagnað eins og það hefði unnið Evrópumeistaratitilinn. Þá gagnrýndi Ronaldo spilamennsku íslenska liðsins og sagði það ekki hafa reynt að sigra. Loks virtist Ronaldo vera ósáttur þegar Aron Einar Gunnarsson landsliðsfyrirliði falaðist eftir treyju kappans í leikslok.

En hvað fór í gegnum huga Ronaldo meðan að á leiknum stóð? Breska blaðið Mirror birti skemmtilega grein á vef sínum í gærkvöldi og reyndi að geta sér til um hvað flaug í gegnum huga Ronaldo meðan að á leiknum stóð. Greinin er til gamans gerð og birtir DV hér hluta hennar í íslenskri þýðingu.

Jæja, það er best að hefja þessa sýningu með einu kraftstökki. Takið eftir, ég beygi fæturna. Það lítur betur út fyrir myndavélarnar.“

„Það jafnast ekkert á við mildan ljóma sviðsljóssins. Stóra sviðið. Stóru áhorfstölurnar. Möguleikinn á að skora nokkur mörk. Gaur, þetta verður geggjað. Ég var fæddur til að gera þetta…“

„Aumingja þeir – þeir hafa ekki hugmynd um hvað er að fara að mæta þeim. Ég vona að þeir njóti þessa augnabliks. Drekkið augnablikið í ykkur, félagar. Þið munuð vilja muna eftir þessu.“

„Bíddu nú hægur…var ég…tæklaður? Af ÍSLENSKUM leikmanni? Vita þeir ekki hver ég er eða?“

„Vó, þetta er hörkuvinna. Þá meina ég, mjög mikil vinna. Er það svona sem það er að vera venjulegur fótboltamaður? Er það svona sem það er þegar LIÐIÐ er ekki byggt upp í kringum þig? Ég verð samt að halda kúlinu.“

„Hálfleikur. Spegill, spegill, spegill – verð að vera fyrstur að speglinum.“

„Gaur, talaðu við mig eftir leik. Þá sjáum við til með treyjuna.“

„Vá hvað ég sakna Modric og Kroos.“

Nani, viltu HÆTTA að vera FYRIR.“

„Nei, nú fer ég úr að ofan. Ég ætla úr að ofan og gera 10 þúsund kviðkreppur. Ég ætla úr að ofan og gera 10 ÞÚSUND kviðkreppur OG 10 þúsund armbeygjur – ef þið farið ekki AÐ GERA ÞAÐ SEM ÉG SEGI!.“

Fjandinn hafi það, ég er farinn aftur til Spánar. Þið getið bara farið í snjóhúsin ykkar aftur.“

„Nei, ekki að ræða það. Þið leyfðuð mér ekki einu sinni að skora. Það er ekki möguleiki að þú fáir treyjuna núna.“