Karlmaður á sjötugsaldri hefur verið ákærður fyrir að skjóta sextán ára ungling sem vann sér það til saka að hrekkja manninn.
Maðurinn, hinn 64 ára gamli Ronnie Lee Neeley, brást ókvæða við þegar hópur ungmenna gerði sér að leik að þekja lóðina við heimili hans með salernispappír. Ronnie náði í byssu, skaut í átt hrekkjalómunum og hæfði ein kúlan sextán ára dreng í mjöðmina. Að sögn lögreglu þykir drengurinn hafa sloppið vel.
Atvikið átti sér stað í Sylvania í norðurhluta Alabama í Bandaríkjunum á laugardag. „Þetta er skelfilegt mál sem hefði getað fengið hræðilegan endi ef kúlan hefði hæft hann annars staðar,“ segir Jimmy Harris, yfirmaður lögreglu á svæðinu, í samtali við bandaríska fjölmiðla.
Jimmy hefur verið sleppt gegn tryggingu en þarf að mæta fyrir dómara á komandi vikum.