Hópur óprúttinna einstaklinga gerði sér lítið fyrir og stal birgðum af vatni sem ætlaðar voru þátttakendum í Lundúnamaraþoninu sem fram fór í borginni í dag.

Atvik sem sýnir fjölda fólks stela hundruð vatnsflöskum hefur vakið talsverða athygli í bresku pressunni í dag. Atvikið átti sér stað í Deptford, í suðausturhluta borgarinnar, skömmu eftir að hlauparar fóru af stað. Á myndbandinu má sjá einn þjófinn til að mynda nota trillu sem hann notaði til að ferja góssið.

Hugh Brasher, viðburðastjóri maraþonsins, lýsti yfir vonbrigðum sínum yfir hegðun fólks í samtali við Mail Online. „Það veldur mér miklum vonbrigðum að sjá þetta,“ sagði hann og bætti við að vatnið væri ætlað þátttakendum til að svala þorsta sínum.

Sjálfboðaliðar höfðu komið vatnsbirgðunum fyrir og stóð til að afhenda hlaupurum flöskurnar. „Við brýnum fyrir sjálfboðaliðunum okkar að bregðast ekki við í svona tilfellum,“ segir Hugh og bætir við að málið verði skoðað betur.

Að sögn lögreglu hefur enginn verið handtekinn eða yfirheyrður í tengslum við málið.