Sat á dauðadeild í tæp 40 ár – Reyndi að fá dauðadómnum hnekkt
Sjötíu og tveggja ára fangi, Brandon Astor Jones, var tekinn af lífi í gærkvöldi eftir að hafa setið á dauðadeild vegna morðs sem hann hann framdi árið 1979, eða fyrir tæpum 40 árum.
Brandon var ákærður og síðar dæmdur fyrir að skjóta starfsmann verslunar til bana þegar hann framdi vopnað rán. Brandon var tekinn af lífi með banvænni sprautu.
Í fréttum bandarískra fjölmiðla kemur fram að Brandon hafi hafnað því að borða sérstaka máltíð áður en hann var tekinn af lífi. Venja er að fangar geti valið sér mat að eigin vali áður en þeir eru teknir af lífi. Borðaði hann þess í stað kjúkling með hrísgrjónum og gulrófum eins og aðrir fangar.
Brandon er fimmti elsti maðurinn í sögu Bandaríkjanna til að vera tekinn af lífi. Annar maður sem einnig var ákærður og dæmdur vegna málsins, Van Roosevelt Solomon, var tekinn af lífi árið 1985.
Lögfræðingar Brandons reyndu fram á síðustu stundu að fá dauðadómnum hnekkt en án árangurs. Hópur fólks sem er á móti dauðarefsingum kom saman fyrir utan fangelsið í Georgíuríki þar sem Brandon var tekinn af lífi og mótmælti.
Árið 1989 fóru fram ný réttarhöld í málinu gegn Brandon þegar í ljós kom að kviðdómendur tóku með sér biblíu inn í fundarherbergi þar sem rökræður fóru fram um hæfilega refsingu. Byggðu verjendur Brandons málatilbúnað sinn að sakfelling hans hefði verið byggð á ritningunni en ekki lögum.
Dómurinn var hins vegar staðfestur árið 1997.