Rússnesk hjón voru komin í öngstræti þegar efnahagsþrengingar fóru að gera vart við sig í heimalandi þeirra. Dmitry og Alexandra voru bæði atvinnulaus og í fjárþörf þegar þau ákváðu að prófa að taka upp kynlífsmyndband sem þau svo létu af hendi í skiptum fyrir peninga.

Óhætt er að segja að þessi ákvörðun hafi reynst þeim hjónum vel, því auk þess að vera nú með peninga á milli handanna segja þau að hjónabandið hafi aldrei verið betra.

Í frétt breska blaðsins Mirror kemur fram að hjónin stundi nú kynlíf í þrjár til fjórar klukkustundir á degi hverjum. Myndböndin setja þau svo á þar til gerðar vefsíður áður en þau fá greitt fyrir myndböndin.

Hjónin búa í borginni Krasnodar í suðvesturhluta Rússlands, en í frétt Mirror kemur fram að vinafólk hjónanna hafi rekist á myndbönd af þeim á netinu – þeim til mikillar undrunar. „Ég skammast mín ekkert fyrir það sem ég geri. Allir vinir mínir vita af þessu, sama má segja um foreldra mína. Við erum gift og það er ekkert óeðlilegt við það að hjón stundi kynlíf,“ segir Dmitry.