Þúsundir ferðast á hverju ári til St. Maarten til að komast í návígi við fljúgandi farþegaþotur
Maho-ströndin á St. Maarten, í Karíbahafinu, er afar vinsæll áfangastaður ferðamanna. Helsta aðdráttarafl hennar er þó ekki gullna ströndin sjálf heldur sú upplifun sem gestir fá þegar farþegaþotur fljúga yfir.
Ótrúlegt myndband náðist fyrir skemmstu af einni slíkri lendingu. Í myndbandinu má sjá að þotunni er flogið aðeins nokkrum metrum fyrir ofan strandgesti áður en henni er lent á flugvelli sem er rétt handan við ströndina.
Slíkar lendingar eru daglegt brauð á eyjunni og á hverju ári ferðast mörg þúsund manns til St. Maarten í þeim tilgangi að komast í návígi við þoturnar.
Hér má sjá myndbandið.