Þrjátíu og þriggja ára kona má teljast heppin að vera á lífi eftir að aðskotahlutur skaust inn um framrúðuna á bíl hennar á hraðbraut á dögunum.
Eins og sést á meðfylgjandi mynd var það bátsár sem skaust inn um rúðuna, en hún hafði að líkindum dottið af bifreið sem ekið var fyrir framan hana á hraðbraut í Alligator Alley í Flórída í Bandaríkjunum.
Konan, Christina Kay Theisen, segir í samtali við Sun Sentinel að hún sé fegin að hafa verið með athyglina við aksturinn, en ekki við símann eða útvarpið, þegar atvikið varð. Henni tókst með naumindum að komast hjá því að fá árina í höfuðið.
Ljóst er að ekki mátti miklu muna að illa færi.