Splunkuný Samsung og Panasonic-tæki – Verðmæti um tækjanna rúmlega hálf milljón í Bretlandi
Viðskiptavinur Woolacotts átti afskaplega slæman dag nýverið. Maðurinn gekk inn í verslun keðjunnar í St. Austell í Cornwall og hugðist skoða glænýja flatskjái sem stillt var upp í andyri verslunarinnar. Um var að ræða splunkuný tæki frá Samsung og Panasonic sem kosta í heildina um hálfa milljón króna úti í Bretlandi. Eitt tæki fangar athygli viðskiptavinarins og þessvegna beygir hann sig niður til að skoða það nánar. Skömmu síðar virðist maðurinn reka sig þannig í tækið að það fellur til hliðar og tekur annað tæki niður í leiðinni. Eðlilega verður viðskiptavininum hverft við og í óðagotinu rekur hann bakhlutann í tvö önnur tæki sem brotlenda á flísalögðu gólfinu.
Öryggisvörður kemur þá aðvífandi og þar sem engin hola í fullorðinsstærð er sjáanleg þá grípur viðskiptavinurinn um höfuð sér í örvæntingu. Daily Mail birti myndband úr öryggismyndavél verslunarinnar.