Handtekinn nakinn á einhjóli

Lögreglan í borginni Kemah, Bandaríkjunum, handtók karlmann sem var nakinn á einhjóli því hann truflaði ökumenn.

Lögreglustjórinn Greg Rikard sagði í samtali við fjölmiðla vestanhafs að hinn 45 ára gamli Joseph Glynn Farley hefði ekki verið ölvaður þegar hann var handtekinn á einhjólinu á miðvikudag.

Farley sagði lögreglunni að hann kynni vel við þá tilfinningu sem fæst af því að vera nakinn á einhjóli. Lögreglan kærði Farley fyrir ósæmilega hegðun á almannafæri.