Þessi rússneski strákur er sagður afar fífldjarfur, og verður ekki annað sagt eftir áhorf þessa myndbands. Breska dagblaðið The Daily Mail kallar drenginn rússneska Kóngulóarmanninn en drengurinn stundar iðju sem nefnist Parkour.

Þó svo að hægt sé að dást að þeim hæfileikum drengsins þá verður ekki sagt að honum sé annt um öryggi sitt.

Á vef breska dagblaðsins The Daily Mail er vitnað í manneskjur sem hafa gagnrýnt drenginn eftir áhorf myndbandsins.

„Mér er sama þó þú sért óttalaus. Slysin gerast sama hversu hæfileikarík manneskjan er. Þetta er afar heimskulegt,“ segir einn þeirra sem hafa horft á myndbandið.