„Á eyju þar sem 300 þúsund manns búa getur það verið vandamál fyrir fólk að finna sér maka sem er ekki of skyldur þeim,“ segir á vefsíðunni The Mary Sue. Á síðunni er fjallað um Íslendingabók og er hún þar sögð hjálpa Íslendingum við að koma í veg fyrir að fremja sifjaspell.

„Það þykir víst ekki óvenjulegt á Íslandi að komast að því að manneskjan sem þú ert að hitta sé fjórmenningur eða fimmmenningur þinn. Sumum Íslendingum finnst það frekar óþægilegt. En núna geta þeir notast við Íslendingabók til þess að komast hjá því að fremja sifjaspell,“ segir á síðunni The Mary Sue.

Á vefsíðunni er þó bent á að Íslendingar notist við Íslendingabók til þess að rekja ættir sínar aftur en ekki aðallega til að komast hjá því að fremja sifjaspell.