Þegar lögregla var kölluð að matvöruverslun í Kentucky í Bandaríkjunum blasti við helst til einkennileg sjón. Karlmaðurinn sem lögreglumennirnir áttu að handtaka var nakinn og allur útataður í súkkulaði og hnetusmjöri.

Andrew Toothman, 22 ára, hefur ekki getað sagt lögreglumönnum hvers vegna hann hegðaði sér svo einkennilega í versluninni. Hann stal engu fé og í raun var ekki hægt segja að hann hefði stolið neinu – en hann hafði svosem enga vasa til að stinga á sig hlutum þar sem hann stóð allsnakinn fyrir framan lögreglumennina.

Andrew hafði hinsvegar makað súkkulaði og hnetusmjöri um alla verslunina og á sig sjálfan auk þess sem hann hafði tekið nokkur slökkviliðstæki og tæmt þau.

Þessi óvenjulegi innbrotsþjófur hafði þó greinilega séð að sér í miðju innbroti þar sem hann hafði opnað lyfjapakkningu og notað töflurnar til þess að stafa „fyrirgefðu“ á verslunargólfið. Hann er nú í gæsluvarðhaldi vegna innbrotsins, skemmdanna og fyrir að hafa sært blygðunarkennd annarra með nekt sinni.