Kim Jong-un, nýr leiðtogi Norður-Kóreu, er strax farinn að sinna embættisverkum föður síns heitins, hins umdeilda Kim Jong-il. Hann er farinn að skoða hluti í heimalandinu.

Undanfarin ár hafa vefsíður tileinkaðar sérkennilegum og afar sviðsettum heimsóknum Kim Jong-il um ríki sitt notið mikilla vinsælda. Voru þar birtar fjölmargar myndir, raunverulegar jafnt sem „fótósjoppaðar,“ undir yfirskriftinni: Kim Jong-il skoðar hluti.
DV.is hefur meira að segja birt myndir af Kim Jong-il að skoða hluti.

Nú er rekinn mikill áróður í N-Kóreu um ágæti Kim Jong-un þar sem hann er kynntur sem mikill leiðtogi sem leiða muni þjóðina úr þeim hremmingum sem almenningur í landinu býr við, svo sem matarskort.

Reuters hefur fengið margar myndir af heimsóknum sonarins útvalda í Norður-Kóreu og hafa nýjar síður af honum að skoða hluti stungið upp kollinum í netheimum.

Hér er brot af því besta úr skoðunarleiðangri Kims um Pyongyang.