„Ég hélt hann væri tómur,“ sagði James Labrecque í samtali við bandarísku fréttastofuna WMC-TV en hann seldi peningaskáp á uppboðssíðunni eBay fyrir 122 dollara, sem nemur fimmtán þúsund íslenskum krónum, en skápurinn innihélt 26 þúsund dollara í reiðufé, eða um 3,2 milljónir króna.

„Ég hristi hann og fann ekki fyrir neinu. Ég hélt að hann væri tómur, ég bauð hann þv á eBay,“ sagði Labrecque.
Hann bað kaupandann um að fá hluta af peningunum til baka en fékk ekki þá ósk uppfyllta.

Labrecque býr í Kaliforníu, Bandaríkjunum. Kaupandinn býr í Bartlett en hann fór með skápinn til málmiðnaðarmanns sem opnaði skápinn þar sem peningurinn leyndist.

„Mér finnst ég vera heimskasti fábjáni veraldarinnar,“ sagði Labrecque.

Í tölvupóstsamskiptum hans við kaupandans vitnaði kaupandinn í stefnu Labrecque á eBay en þar segir: „Þú færð það sem þú sérð, ekki hægt að skila – engin endurgreiðsla.“