10 ára gamall franskur skólapiltur var stöðvaður af lögreglu þar sem hann ók bifreið á leið í skólann. Pilturinn reyndist hafa misst af skólabílnum og greip því til örþrifaráða og stal Reunault Megane bifreið föður síns til að komast á réttum tíma í skólann. Hann var þó ekki einn á ferð heldur greip bekkjarbróður sinn með sér í ferðina.

Eftir um tveggja kílómetra leið keyrði drengurinn út af og endaði á umferðarskilti. Þegar lögregla reyndi að fá upp úr drengnum hvað honum gengi eiginlega til sagði hann skilningslausum lögreglumönnunum :„Ég var í belti“.

Til allrar hamingju voru drengirnir báðir ómeiddir eftir þetta ferðalag, en drengurinn gæti þó verið ákærur fyrir að keyra án leyfis og fyrir að skemma umferðarskiltið.