Gera þurfti skyndilega hlé á útsendingu kvöldfrétta RÚV nú í kvöld vegna bilunar í útsendingarvél. Hléið var stutt og Bogi Ágústsson, þaulreyndur fréttamaður- og lesari var snöggur að ná sér og útsendingunni aftur á strik og greindi frá þeirri kaldhæðni að næsta frétt sem átti að sýna fjallaði um vírus sem herjar á tölvukerfi í Finnlandi en um leið bilaði útsendingarvél Ríkissjónvarpsins. Bogi sagðist vona að ekki væri um slíkan vírus að ræða hjá RÚV.