Fimmtán ára gömul stúlka frá Panama City í Flórída fékk nóg af því að heyra móður sína sofa hjá og hringdi á neyðarlínuna til að tilkynna ástaratlotin.

Mamman hafði verið að njóta ásta með kærasta sínum en það var þó ekki þannig að óhljóðin hafi verið slík að stúlkan hafi óttast um velferð móður sinnar og því leitað til lögreglunnar.

Hún sagði lögreglumönnum að henni þætti það vanvirðing við sig að þurfa að hlusta á mömmuna eiga mök við kærastann um miðja nótt. Það sem meira er krafðist stúlkan þess að lögreglumennirnir færðu hana á kristilegt barnaathvarf.

Lögreglumönnum tókst þó að tala stúlkuna til sem ákvað loks að hún nennti ekki að fara á athvarfið þar sem svo stutt væri þangað til hún þyrfti að mæta í skólann.