Kaþólskur prestur var gripinn með buxurnar á hælunum í klámbúð í Baltimore. Bandaríska dagblaðið The Baltimore Sun greinir frá þessu en lögreglunni í Baltimore barst kvörtun vegna ósiðlegs athæfis karlmanns í kvikmyndasal í búðinni.

Þar fann lögreglan prestinn beran að neðan en kirkjan sem presturinn þjónar var ekki lengi að losa sig við hann þegar málið komst upp.

Er presturinn sagður hafa setið í sófa með buxurnar niðrum sig þannig að kynfæri hans voru sýnileg þeim sem gengu framhjá honum. Var hann kærður fyrir ósiðlegt athæfi.