Breski klámmyndaleikarinn Keiran Lee hefur leitað til tryggingafélags stjarnanna Lloyd‘s of London og tryggt lim sinn fyrir 1 milljón dala, eða sem nemur rúmlega 124 milljónum króna.

Hjá Lloyd‘s of London hafa stjörnur á borð við Bruce Springsteen og Bob Dylan meðal annars tryggt raddbönd sín og knattspyrnustjarnan David Beckham fótleggi sína.

The Sun greinir frá því að klámframleiðandinn Brazzers hafi átt frumkvæðið að því að tryggja atvinnutæki klámmyndaleikarans sem hefur leikið í 800 klámatriðum á ferlinum.

Í samtali við The Sun segir Lee að tryggingafélagið muni aðeins greiða út bætur ef hann missir liminn. „Og það versta er að ef eitthvað kemur fyrir þá fær yfirmaður minn allan peninginn.“