Ráðleggur fólki hvernig á að sænga hjá íslenskum konum

Bang Iceland: How To Sleep With Icelandic Women In Iceland

Bókin Bang Iceland: How To Have Sex With Icelandic Women in Iceland var gefin út nýverið. Bókin er eftir höfundinn Roosh Vörek en henni er ætlað að ráðleggja karlmönnum hvernig best sé að haga sér til þess að komast í kynni við íslenskt kvenfólk. Í henni finna lesendur ráðleggingar um á hvaða árstíma þeir eiga að heimsækja Ísland. Í bókinni er líferni Íslendinga lýst og hvaða þýðingu það hefur fyrir lesendur þegar kemur að því að sænga hjá íslenskum konum.

Í bókinni er sagt frá því hvers vegna þú eigir aðeins að heimsækja Reykjavík og enga aðra staði á Íslandi. Í henni er fjallað um hversu ódýrt það er að búa á Íslandi

Bókin er þó mestmegnis tileinkuð íslensku kvenfólki en þar er fjallað um útlit þeirra, vaxtarlag þeirra og stærð og persónuleika. Þá fer höfundur bókarinnar yfir það hvernig menn eigi að bregðast við tortryggni, feimni og femínískri hegðun íslenskra kvenna. Þá fer höfundur einnig yfir þá tvo eiginleika sem karlmenn þurfa að búa yfir til að fá að sofa hjá þeim.

„Íslenskar konur nota mikið magn af áfengi til þess að afsaka lauslætið. Ef þú ert ekki drykkjumaður ættir þú ekki að heimsækja Ísland," segir höfundurinn.

Þetta er ekki eina bókin sem höfundurinn hefur gefið út því hann hefur einnig gefið út bækur þar sem karlmönnum er kennt að hitta konur að degi til. Þá fjallar hann ekki bara um íslenskar konur í bókum sínum heldur einnig argentínskar og kólumbískar.

Bókina er að finna hér

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.