Það nú svona heldur að sjá að skúrir verði ákveðnari í veðrinu en verið hefur og sumar sömuleiðis efnismeiri. Segja má að það geti fallið skúrir i flestum landshlutum en að oft birti á milli. Hins vegar er alltaf erfitt að segja nákvæmlega hvar þær ber niður. Eins og spárnar líta út hráar, þá virðist skúraveðrið ætla að vera hvað ákveðnast á Suðurlandi og norðaustanlands en oft hangir þetta í uppstreyminu við fjöllin en þurrt á sléttlendi. Þurrast verður á Vestur- og Norðvesturlandi. Hitinn er heldur að falla en engu að síður verða tveggja stafa tölur og vindur er víðast hvar hægur.
Veðurhorfur einstaka daga.
Miðvikudagur
Norðaustan 5-13 m/s stífastur suðaustan til og norðvestan til. Skúrir á víð og dreif og sumstaðar bjart á milli, en yfirleitt þurrt að kalla og bjart með köflum vestan og norðvestanlands. Kólnandi veður og hiti víðast 8-16 stig, svalast eystra en hlýjast vestanlands.
Fimmtudagur
Norðaustan 5-13 m/s stífastur norðvestan til. Rigning sunnan og austan til annars úrkomulítið og víða þurrt að kalla á Vesturlandi. Hiti 8-14 stig, hlýjast suðvestan og vestan til.
Föstudagur
Norðaustan 5-13 m/s stífastur norðvestan til. Rigning sunnan til annars yfirleitt þurrt að kalla og bjart með köflum. Hiti 7-12 stig, mildast suðvestan til.
Laugardagur og sunnudagur
Austan 8-13 m/s vestast á landinu en norvestlæg átt austan til. Rigning sunnan til, einkum í fyrstu. Dálítil væta norðaustanlands en þurrt og bjart á Vesturlandi. Hiti 6-12 stig.
Veðurspá gerð kl. 07:17, 22. ágúst
Sigurður stormur veðurfræðingur.
Alþingiskosningar 2013
Blóðugt uppgjör í Seljahverfi