Sé horft yfir vikuna má segja að eftir því sem líður á vikuna aukist líkur á skúraveðri í flestum landshlutum, sérstaklega þó norðan til á landinu. Ekki er um nein alvöru úrkomukerfi að ræða en engu að síður bleyta.
Dagurinn í dag verður þó bjartur en með kvöldinu á ég von á að það geti dregið fyrir sólu vestan til á landinu og að á morgun byrji þetta skúraveður sem nær hámarki á miðvikudag með skúrum um mest allt land. Enginn kuldi er í kortunum en hlýjast er þó áberandi suðvestan til, heilt yfir séð.
Mánudagur
Norðaustan átt, 5-10 m/s norðvestan til og við Breiðafjörð annars 3-8 m/s. skýjað með köflum eystra annars víðast léttskýjað. Hiti 12-20 stig, hlýjast vestanlands.
Þriðjudagur
Hæg breytileg átt. Bjart með köflum og hætt við stöku skúrum á víð og dreif. Hiti 12-18 stig, hlýjast til landsins.
Miðvikudagur
Stíf norðaustan átt á annesjum á Vestfjörðum annars hæg breytileg átt. Skúrir í flestum landshlutum. Milt í veðri.
Fimmtudagur
Norðaustan 5-13 m/s. Skýjað eystra og skúrir en úrkomulítið vestanlands. Hiti 12-17 stig.
Veðurspá gerð kl. 06:00 16. júlí 2012
Sigurður stormur veðurfræðingur.
Alþingiskosningar 2013
Blóðugt uppgjör í Seljahverfi