Úrkomulítið og víða hálfskýjað eða léttskýjað á morgun

Sigurður Þ Ragnarsson siggistormur@dv.is
07:58 › 17. júní 2012

Það bendir allt til þess að vikan sem framundan sé verði hægviðrasöm, líkt og sú síðasta og að bjart verði með köflum og stöku skúrir einstaka daga. Á morgun er hins vegar horfur á úrkomulitlu eða úrkomulausu veðri og það verði ýmist hálfskýjað eða léttskýjað. Hitinn verður ágætur í vikunni eða á bilinu 8-13 stig.

Sunnudagur - 17 júní

Yfirleitt hæg norðaustlæg eða austlæg átt. Úrkomulítið og víða bjart með köflum, einkum norðvestan og norðan til. Hiti 7-13 stig,

Mánudagur

Hæg breytileg átt. Víðast hálfskýjað eða léttskýjað en hætt við síðdegisskúrum norðvestanlands. Hiti 8-13 stig hlýjast í uppsveitum sunnan til.

Þriðjudagur

Hægviðri og bjart með köflum. Hiti 7-12 stig, mildast sunnan og vestan til.

Veðurspá gerð kl. 17:00, 17. júní,

Sigurður stormur veðurfræðingur.



Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.