Jæja þá fáum við smá vetur að nýju. Frost verður víða á landinu, síst þó með ströndum en búast má við snjókomu eða éljum víða um land, síst þau austan til á landinu. Ekki virðist ætla að verða viðsnúningur hvað hita varðar alveg í bráð.

Veðurhorfur fyrir einstaka daga

Fimmtudagur

Hvassar suðvestlægar áttir með morgninum en síðan lægir smám saman, 8-13 m/s síðdegis. Snjókoma eða él, einkum til landsins. Frostlaust með ströndum en frost 2-6 stig til landsins.

Föstudagur

Snýst í allhvassa eða hvassa norðan og norðaustan átt, fyrst á Vestfjörðum og norðan til. Snjókoma norðanlands, stöku él syðra annars þurrt og bjart með köflum. Frost 1-6 stig.

Horfur á laugardag

Allhvöss eða hvöss norðan átt við austanvert landið í fyrstu en lægir smám saman. Hægari annars staðar. Stöku él norðan til og austan annars bjart veður. Frost 3-12 stig mildast með ströndum.

Horfur á sunnudag

Vestan eða suðvestan átt með éljum. Heldur hlýnandi með suður- og vesturströndinni.

Veðurspá gerð kl. 06:48, 16. febrúar 2012. Sigurður stormur, veðurfræðingur