Heroes-stjarnan Hayden Panettiere (19) elskar að fara út í druslufötunum sínum og viðra hundana sína en vegna þess hversu fræg hún er orðin þarf hún ávallt að líta vel út fyrir ljósmyndarana.

„Ég lifi í daglegri gagnrýni. Ég var vön að fara í göngutúr með hundana mína í náttfötunum en núna þarf ég að passa í hverju ég er svo fólk drulli ekki yfir mig,“ segir Hayden sem meðal annars hefur verið gagnrýnd fyrir að vera með örlitla appelsínuhúð aftan á fótleggjunum.

„Mér þykir það leitt en ég er kona! Ég veit ekki hvað þið viljið að ég segi. Mér þykir það leitt en appelsínuhúðin er ekkert á förum, ég get ekkert gert í henni. Ég biðst innilegrar afsökunar ef fótleggir mínir ofbjóða ykkur,“ segir Hayden kaldhæðin, síður en svo ánægð með alla gagnrýnina.