Idol-stjarnan Adam Lambert (27) hefur loksins staðfest kynhneigð sína í nýjasta tölublaði Rolling Stone sem kemur út á morgun.

„Ég held það komi engum á óvart að heyra að ég sé hommi. Ég er stoltur af kynhneigð minni og tek henni opnum örmum eins og öllu öðru sem viðkemur minni persónu,“ segir Adam sem var stressaður að koma út úr skápnum á meðan hann var ennþá í keppninni. „Ég hafði áhyggjur af því að það myndi vekja svo mikla athygli að það myndi skyggja á það sem ég var að gera í keppninni, sem var að syngja. Ég er skemmtikraftur og það sem ég starfa við og það sem ég geri í mínu einkalífi er aðskilið. Það ætti ekki að skipta máli en það gerir það samt og það er mjög ruglingslegt.“