Leikkonan Denise Richards (37) lét það flakka í viðtali við Howard Stern á dögunum að hún hafi farið í þrjár brjóstaaðgerðir í gegnum árin.

„Ég var nítján ára og stelpan sem ég leigði með var með flottustu brjóst í heimi og hún var nýbúin að fara í brjóstastækkun. Ég var flöt eins og strauborð og fannst tilvalið að kaupa mér brjóst, svo að ég fór eins og kjáni í brjóstastækkun,“ segir Denise sem sá strax eftir þeirri ákvörðun. „Þau voru alltof stór fyrir líkamann minn svo ég fór í aðra aðgerð en vegna þess að ég var leikkona hélt sá gaur að ég vildi vera með risa brjóst og setti ennþá stærri fyllingar í þau. Þá var ég komin í D-stærð. Þriðja aðgerðin lagaði svo allt,“ segir Denis sem vara ungar stelpur við að fara í brjóstaaðgerð. „Ég var ung og ég hefði átt að rannsakað málið betur. Þetta voru stór mistök. Ungar stúlkur, ekki gera þetta!“