Fyrrum Bond-stúlkan og eiginkona Charlie Sheen, Denise Richards viðurkennir að hafa farið í þrjár brjóstaaðgerðir. Tvær stækkanir og eina til að minnka þau aftur.

Það var útvarpsmaðurinn skrautlegi Howard Stern sem spurði Denise hvort hún væri með náttúruleg brjóst.

„Þau eru náttúruleg að utan, en það sem er fyrir innan er það ekki,“ viðurkenndi Richards.

Hún segir að þegar hún var 19 ára gömul og ólm í að koma sér á framfæri sem leikkona hafi hún farið í brjóstastækkun.

„Herbergisfélagi minn var með flottustu brjóst í heimi eftir að hafa farið í stækkun. Ég var alveg flatbrjósta svo ég skellti mér í aðgerð, eins og bjáni,“ sagði Richards sem mælir ekki með þessu.

Hún fór síðan í aðra brjóstastækkun en segir að útkoman hafi verið síður en svo góð.

„Sá læknir stækkaði þau en það misheppnaðist. Þau voru D-skál.“

Þriðja aðgerðin var síðan til að minnka herlegheitin.

Hún bætti við að hún mælti ekki með því að ungur stúlkur fetuðu í fótspor hennar. „Ég var ung og hefði átt að kynna mér málið betur. Ég gerði mistök, svo ungu stelpur sem eru að hlusta. Ekki gera þetta.“