Erfðaprinsessan Paris Hilton (28) tjúttaði mikið í Cannes í síðustu viku ásamt kærasta sínum, Doug Reinhardt (23), en djammið fór úr böndunum þegar þeim skötuhjúum var hent út af snekkju fyrir ósiðlega hegðun.

Paris og Doug var boðið í snekkjupartí hjá vini eiginmanns Elton John, David Furnish, og þangað mættu þau kampakát og ástfangin, svo ástfangin að slefið slitnaði ekki á milli þeirra.

„David hitti Paris á Hotel du Capog bauð henni í partí á snekkju vinar síns,“ segir heimildarmaður. „Paris var með tunguna ofan hálsinum á kærastanum sínum allan tímann og fólk kvartaði sáran undan hegðun þeirra. Þau voru orðin svo æst að Paris dró Doug inn á klóset og ætlaði að eyða með honum gæðastund en David gómaði þau. Skipstjórinn varð bandbrjálaður og henti þeim frá borði.“