Fyrrum NBA-kappinn Dennis Rodman (48) er eitthvað kalkaður þessa dagana en hann er farinn að stunda það að forða sér út af veitingastöðum án þess að borga reikninginn.

Fyrir nokkrum vikum var Dennis sakaður um að hafa sleppt því að borga yfir hundrað þúsund króna reikning á veitingastaðnum Gansevoort South í Miami en því neitaði hann alfarið. Núna hefur komið í ljós að hann stakk af frá enn hærri reikningi á veitingastaðnum Philippe.

„Hann var svo dópaður að hann gat varla talað. Eftir að hafa étið og drukkið fyrir næstum tvö hundruð þúsund krónur með félögum sínum skrönglaðist Dennis út og þegar félagar hans fylgdu í kjölfarið án þess að borga var lögreglan kölluð til,“ segir gestur staðarins. Þess má geta að reikningurinn var á endanum greiddur.