Leikmaður Chelsea og enska landsliðsins, Ashley Cole, kom eiginkonu sinni, Cheryl Cole, til bjargar um helgina þegar þau voru að mæta í samkvæmi. Hjónin höfðu verið í afmælisveislu hjá þeim Sörah Harding og Kimberley Walsh sem eru með Cheryl í stúlknasveitinni Girls Aloud.

Cheryl var klædd í stuttan kjól og ljósmyndari hugðist ná mynd undir kjólinn þegar söngkonan steig út úr bíl parsins. Það hafa margar frægar konur lent illa í þessu og eftirminnilegast er þegar Britney Spears steig eitt sinn nærbuxnalaus út úr eðalvagni sínum og myndir náðust af kynfærum hennar.

Ashley Cole var hins vegar fljótur að hugsa og stakk hendinni fyrir linsu ljósmyndarans og kom í veg fyrir að ósmekklegar myndir af eiginkonu sinni færu á netið. Sannur herramaður.