Lindsay Lohan (22) lætur netsamfélagið Facebook fá það óþvegið í bloggfærslu á samkeppnisnetinu MySpace. Í færslu sem heitir „Upset With Facebook“ eða hreinlega „Ósátt við Facebook“ skrifar leikkonan:
„Ókei, ég elska MySpace því það er svo öruggt netsamfélag. Fólkið hjá MySpace gerir ekki prófílinn þinn óvirkan af því að það haldi að þetta sé ekki þú í alvörunni með prófílinn. Á Facebook er fjöldinn allur af fólki að þykjast vera ég sem ég er nokkuð viss um að aðrir sem skoða og þeir sem stjórna Facebook ættu að fatta að er ekki hin raunverulega ég. Hins vegar kom það fyrir mig í dag að ég loggaði mig inn á Facebook með nýja lykilorðinu mínu því einhver hefur hakkað sig svo oft inn á Facebook-ið mitt að ég varð að skipta um lykilorð. Í kjölfarið fæ ég svo bara skilaboð á skjáinn minn um að prófílnum mínum hafi verið lokað. Ég fékk sjokk!“
Og ekki nóg með það heldur fékk leikkonan þá skýringu að prófílnum hefði verið lokað sökum þess að aðstandendur Facebook hefðu haldið að þetta væri ekki sjálf Lindsay sem héldi úti síðunni.