Eyðibýlastefna Þorgerðar Katrínar

Haraldur Benediktsson, þingmaður Sjálfstæðisflokksins og formaður fjárlaganefndar, er hundóánægður með þær tillögur sem Þorgerður Katrín Gunnarsdóttir landbúnaðarráðherra hefur komið með varðandi vanda sauðfjárbænda. Hann dregur ekki upp fallega mynd og segir að þær muni valda fækkun í byggðum landsins og skilja eftir sig eyðibýli. Í Bændablaðinu kallaði hann þetta eyðibýlastefnu. Í viðtali við RÚV vildi hann þó heldur draga úr orðum sínum og sagðist ekki vera að festa orðið við núverandi landbúnaðarráðherra. Erfitt er þó að sjá að svo sé ekki. Andstaða við tillögurnar innan Sjálfstæðisflokks einskorðast ekki við Harald. Nú er að sjá hvort Þorgerður Katrín mun eiga við ofurefli að etja og þurfi að draga í land, eins og virðist vera hlutskipti Viðreisnar í ríkisstjórnarsamstarfinu.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.