Úr 30 prósent í 7 prósent

Vinsæll hjá hlustendum Reykjavík síðdegis
Sigmundur Davíð Gunnlaugsson Vinsæll hjá hlustendum Reykjavík síðdegis
Mynd: DV ehf / Sigtryggur Ari

Stjórnendur útvarpsþáttarins Reykjavík síðdegis létu gera óformlega netkönnun á heimasíðu þáttarins. Spurt var hvort hlustendur teldu líklegt að þeir myndu kjósa nýjan flokk Sigmundar Davíðs Gunnlaugssonar sem sagði sig nýverið úr Framsóknarflokknum.

Rúmlega 30 prósent svarenda töldu það mjög líklegt að flokkur Sigmundar yrði fyrir valinu og tæp 14 prósent nokkuð líklegt. Anna Sigurlaug Pálsdóttir, eiginkona Sigmundar, og Sveinn Hjörtur Guðfinnsson, fyrrverandi formaður Framsóknarfélags Reykjavíkur, deildu niðurstöðunum á Facebook.

Spurning hvort þau hafi verið jafn himinglöð þegar ný könnun MMR var birt en þar var framboð Sigmundar með 7,3 prósent – sem er þó meira en Framsóknarflokkurinn fékk í sömu könnun.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.