Fjölmiðlamaðurinn og borgarfulltrúinn fyrrverandi, Gísli Marteinn Baldursson, heldur málstað sínum í skipulagsmálum ákaft fram og af ástríðu. Hefur hann með sér eindrægna stuðningsmenn, en sömuleiðis ákafan hóp andstæðinga sem segja hann vera í stríði gegn einkabílnum.
Áberandi er að málflutningur Gísla Marteins fer ákaflega í taugarnar á mörgum sjálfstæðismönnum sem undra sig á því að þeirra gamli borgarfulltrúi sé nú orðinn einn helsti hugmyndafræðingur vinstri meirihlutans.
Sagt er að Viðreisn reyni nú ákaft að fá Gísla Martein í framboð, en hann mun áhugalítill um það þótt borgarmálin séu honum jafnhugleikin og raun ber vitni.