Hið fræga viðskiptatímarit Frjáls verslun er nú til sölu. Börn fjármálaráðherrans Benedikts Jóhannessonar hafa tekið við fjölmiðlafyrirtækinu Heimi af föður sínum og rekstrarstaða þess var þannig, að nauðsynlegt var að rifa seglin og selja titla. Það hefur nú verið gert með sölu á Iceland Review og ýmsum ferðabæklingum, en enn hefur ekki fundist kaupandi að Frjálsri verslun og ekki víst hvenær eða hvort fleiri tölublöð komi út undir ritstjórn hins reynda blaðamanns, Jóns G. Haukssonar.