Nokkur óánægja er meðal Sjálfstæðismanna með borgarfulltrúa flokksins, sem þykja ekki hafa markað sér nógu sterkar áherslur og séu fyrir vikið ekki augljós valkostur í borgarstjórnarkosningunum á næsta ári. Þingmaður Sjálfstæðisflokksins, Óli Björn Kárason, víkur að þessu í nýlegu lesendabréfi á miðopnu Morgunblaðsins. Hann segir Sjálfstæðismenn í borginni eiga mikið verk fyrir höndum. „Þeir eiga eftir að draga skýr mörk á milli sín og vinstri manna í borgarstjórn,“ segir Óli Björn. Það er kannski ekki laust við að örvænting felist í þessum orðum hans. Enda varla vænlegt til árangurs fyrir Sjálfstæðisflokkinn ef kjósendur sjá engan mun á áherslum hans og meirihlutans.