Stofnfundur Sósíalistaflokks Íslands verður haldinn 1. maí í Tjarnarbíói en um 1.250 manns hafa skráð sig í flokkinn. Á heimasíðu Tjarnarbíós kemur fram að salurinn taki 200 manns í sæti og leyfi sé fyrir 300 manns á standandi viðburðum. Samkvæmt þessu þyrfti ekki að vera gríðarlega fjölmennt á stofnfundinum til að húsið fylltist. Það hlýtur að teljast heppilegt fyrir stofnfélaga sem geta þá kinnroðalaust haldið því fram að húsfyllir hafi verið á fundinum.