Forseti Íslands, Guðni Th. Jóhannesson, maðurinn sem virðist ekkert geta gert rangt, greinir frá því viðtali að hann telji að afleggja beri landsdóm. Fella beri ákvæði um hann úr stjórnarskrá sökum þess að um fornt og úrelt ákvæði sé að ræða. Það hafi enda sýnt sig að niðurstaða dómsins eftir hrun hafi fremur sundrað þjóðinni en hitt og menn eigi að láta sér það að kenningu verða. Nú kann það allt að vera rétt hjá forsetanum. Hitt er þó áleitin spurning orðin hvers konar forseti Guðni ætlar sér að vera. Er pláss fyrir alla þá persónuleika sem Guðni bregður á loft í embætti forseta? Forsetann sem lætur mynda sig með buff, forsetann sem afþakkar launahækkun, forsetann sem bannfærir ananas á pítsur og forsetann sem beitir sér varðandi lögskipan?