Fennt yfir IceSave

Lára Björg var kynnt til leiks í vikunni sem nýr upplýsingafulltrúi ríkisstjórnarinnar.
Lára Björg Björnsdóttir Lára Björg var kynnt til leiks í vikunni sem nýr upplýsingafulltrúi ríkisstjórnarinnar.

Lára Björg Björnsdóttir hefur verið ráðinn upplýsingafulltrúi ríkisstjórnarinnar og fetar þar með í fótspor Jóhanns Haukssonar og Sigurðar Más Jónssonar. Lára Björg var á lista Vinstri grænna í kjördæmi Katrínar Jakobsdóttur en Lára á einnig óbeinar tengingar við hina tvo ríkisstjórnarflokkana.

Lára starfaði áður hjá KOM almannatenglum þar sem Friðjón Friðjónsson, annálaður sjálfstæðismaður, er í aðalhlutverki, einnig starfaði hún hjá Viðskiptablaðinu sem fer iðulega silkimjúkum höndum um sjálfstæðismenn í leiðaraskrifum og efnistökum.

Lára tók svo undir málstað framsóknarmanna og fleiri í IceSave-deilunni á sínum tíma. Sagði Lára um samninginn, sem var studdur af Katrínu og Vinstri grænum og á endanum af Bjarna Benediktssyni og hluta sjálfstæðismanna, að það „ætti að troða honum“ og það væru léleg rök að segja að fjárfestar myndu forðast Ísland ef samningurinn yrði ekki samþykktur. Þar sem Lára tók sæti á lista VG í haust og kemur til með að svara fyrir ríkisstjórnina á næstunni þá er öruggt að segja að fennt sé yfir IceSave, nema kannski hjá þeim allra hörðustu. Það tók ekki nema átta ár.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.