Baráttumál Lilju í höfn

Mynd: Brynja

Lilja Alfreðsdóttir er nýr menntamálaráðherra og líkleg til að verða jafn farsæl í því starfi og hún var í starfi utanríkisráðherra. Lilju var mjög hrósað þegar hún tilkynnti fyrir ekki ýkja löngu að hún hygðist beita sér fyrir því að virðisaukaskattur af bókum yrði afnuminn.

Víst er að hinn nýi forsætisráðherra þjóðarinnar, Katrín Jakobsdóttir, hefur verið mikill stuðningsmaður þess að það yrði gert. Það kemur því ekki á óvart að í stjórnarsáttmálanum er klausa þess efnis að virðisaukaskattur af bókum verði afnuminn.

Stjórnmálamenn standa ekki við allt sem þeir lofa en þetta er loforð sem er næsta öruggt að verði uppfyllt, bókaútgefendum og bókaunnendum þessa lands til sannrar gleði.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.